"Qarabağ" "Vorskla"ya uduzdu
Avropa Liqasının qrup mərhələsində 3-cü turun oyunları keçirilir.
Qol.az xəbər verir ki, turnirdə ölkəmizi təmsil edən “Qarabağ” da növbəti oyununa çıxıb. Qurban Qurbanovun komandası Bakıda Ukraynanın “Vorskla” klubunu qəbul edib.
Əvvəlki iki görüşdə uduzan Ağdam təmsilçisi bu matçda ilk xalını qazanmağa çalışıb. Lakin qarşılaşma qonaqların qələbəsi ilə başa çatıb - 1:0.
Bununla da "Qarabağ"ın qrupdan çıxmaq şansı xeyli azalıb.
Qeyd edək ki, E qrupunun digər oyununda “Arsenal” səfərdə “Sportinq”i 1:0 hesabı ilə üstələyib.
25 oktyabr
Avropa Liqası
Qrup mərhələsi, 3-cü tur
20:55. “Qarabağ” (Azərbaycan) – “Vorskla” (Ukrayna) - 0:1
Qol: Kulaç, 48
Baş hakim: Roi Reinshreiber (İsrail)
Bakı Olimpiya Stadionu
20:55.”Sportinq” (Portuqaliya) – “Arsenal” (İngiltərə) - 0:1
Qol: Uelbek, 77
