“İran aşağı faizdə uranın zənginləşdirilməsi ilə bağlı bütün işləri Atom Enerjisi üzrə Beynəlxalq Agentliyin (MAQATE) nəzarəti altında həyata keçirir”.
APA-nın Moskva müxbirinin verdiyi xəbərə görə, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi ənənəvi brifinqdə bildirib.
Tehranın aşağı faizdə zənginləşdirilmiş uran ehtiyatını 300 kq-dan çox artırması ilə bağlı yayılan xəbərləri şərh edən Rusiya XİN sözçüsü qeyd edib ki, Moskva Tehranın bundan sonra da MAQATE ilə hərtərəfli zəmanətə dair sazişə və ona əlavə protokola məsuliyyətli yanaşacağına ümid edir.