Azərbaycan nümayəndə heyəti Tbilisidə Qəhrəmanlar Meydanını ziyarət edib.
AZƏRTAC xəbər verir ki, Gürcüstanda səfərdə olan Azərbaycanın İqtisadiyyat naziri Mikayıl Cabbarovun rəhbərlik etdiyi nümayəndə heyəti və Gürcüstanın İqtisadiyyat və Davamlı İnkişaf naziri Natia Turnava Tbilisidə Qəhrəmanlar Meydanını ziyarət edib, Gürcüstanın ərazi bütövlüyü və müstəqilliyi uğrunda həlak olanların xatirəsinə ucaldılmış abidə önünə əklil qoyub.