"Turan Tovuz"un futbolçusu Veysəl Rzayev üçün mövsüm erkən başa çatıb.
QOL.az xəbər verir ki, bunu komandanın baş məşqçisi Ayxan Abbasov "Qarabağ"la oyundan sonra keçirilən mətbuat konfransında deyib.
O bildirib ki, 22 yaşlı yarımmüdafiəçinin burnu sınıb: "Ona görə də uzun müddət meydana çıxmayacaq. Yəqin ki, onun üçün mövsüm artıq başa çatıb”.
Qeyd edək ki, V.Rzayev bu mövsüm "Turan Tovuz"da 26 oyun keçirib və 1 qol ötürməsi edib.