|
|
|
|
Azərbaycan prezidenti İlham Əliyev Mingəçevirdə “Kür” Olimpiya Tədris-İdman Mərkəzində olub.
525.az-ın məlumatına görə, Gənclər və idman naziri Azad Rəhimov dövlət başçısına birinci Avropa Oyunlarına hazırlıqla bağlı həyata keçirilən yenidənqurma işləri barədə məlumat verərək bildirib ki, artıq yenidənqurma tədbirləri son mərhələyə daxil olub və bu qəbildən işlər mərkəzin otel hissəsini də əhatə edib.
Qeyd edək ki, bir neçə aydan sonra Azərbaycanda keçiriləcək ilk Avropa Oyunlarının bəzi yarışları bu mərkəzdə təşkil olunacaq.
Xatırladaq ki, bu il iyunun 12-dən 28-dək keçiriləcək birinci Avropa Oyunlarında 49 ölkədən 6 mindən artıq idmançı 20 idman növündə mübarizə aparacaq.