İndoneziyada mühərriki alovlanan sərnişin təyyarəsi məcburi eniş edib

İndoneziyanın Makassar şəhərindən Səudiyyə Ərəbistanına zəvvarları aparan sərnişin təyyarəsi havaya qalxdıqdan sonra mühərriklərindən birinin alışması nəticəsində təcili eniş edib.

525.az xarici KİV-ə istinadən bildirir ki, ölkənin ən böyük hava yolları şirkətlərindən biri olan "Garuda İndoneziya"ya məxsus təyyarənin mühərriklərindən biri 450 sərnişin və 18 nəfərlik heyətlə havaya qalxdıqdan az sonra yanıb.

Müqəddəs torpaqlara zəvvarları daşıyan "Boeing 747-400" tipli təyyarə alovlar müşahidə edildikdən sonra Makassar hava limanına məcburi eniş edib.

Təyyarədə olan 468 nəfər xəsarət almadan xilas edilib.

Dini İşlər Nazirliyinin sözçüsü Anna Hasbie hadisədən sonra toplantı keçirdiklərini və məsələ ilə bağlı aviaşirkət rəsmilərinə xəbərdarlıq etdiklərini bildirib.

Malik Atilay