Dünyanın ən varlı 10 futbolçusu

Beynəlxalq İdman Çalışmalar Mərkəzi (CİES) dünyanın ən zəngin futbolçularının siyahısını açıqlayıb.

Apasport.az-ın qurumun rəsmi saytına istinadən məlumatına görə, karyerasını davam etdirən oyunçular arasında ən varlısı Lionel Messidi.
 
Qurum oyunçuların klub və yığmadakı durumunu, müqavilələrini və onların müddətlərini, yaşlarını, həmçinin performansını hərtərəfli araşdırıb. Məlum olub ki, futbolçu kimi qazancı 250 milyon 700 min avro olan Messi hazırda əlçatmazdı. Onu “Barselona”dakı komanda yoldaşı Neymar və “Çelsi”nin lideri Eden Azar izləyirlər. Sərvəti 100 milyon avrodan çox olan digər oyunçu isə Kriştianu Ronaldodu.
 
Ən varlı oyunçuların “10-luğ”unda “Barselona”nın 3 futbolçusu yer alır. Belə ki, Messi və Neymar ilk iki sırada yer alırsa, Kataloniya klubunun digər hücumçusu Luis Suares 8-ci pillədə qərarlaşır.
 
Maraqlıdı ki, ən varlı 10 futbolçudan 5-i hazırda İngiltərədə, 5-i isə İspaniyada çıxış edir.
 
Ən zəngin “10-luq”:

1. Lionel Messi (“Barselona” / Argentina) – 250 milyon 700 min avro
2. Neymar (“Barselona” / Braziliya) – 150 milyon 700 min
3. Eden Azar (“Çelsi” / Belçika) – 130 milyon 500 min
4. Kriştianu Ronaldo (“Real” / Portuqaliya) – 114 milyon
5. Harri Keyn (“Tottenhem” / İngiltərə) – 90 milyon 300 min
6. Rahim Sterlinq (“Mançester Siti” / İngiltərə) – 89 milyon 800 min
7. Antuan Qrizmann (“Atletiko” / Fransa) – 88 milyon 300 min
8. Luis Suares (“Barselona” / Uruqvay) – 86 milyon 300 min
9. Serxio Aquero (“Mançester Siti” / Argentina) – 82 milyon 100 min
10. Aleksis Sançes (“Arsenal” / Çili) – 81 milyon 900 min