Mayın 28-i futboldan gedir - bir epoxanın sonu
“Roma”nın kapitanı Françesko Totti futbolçu karyerasını rəsmən başa vurduğunu açıqlayıb.
Qol.az-ın xəbərinə görə, bu barədə o, şəxsi "Twitter" hesabında məlumat verib. Totti futboldan getməyin onun üçün çox çətin olduğunu deyib:
"Roma" - "Cenoa", 28 may 2017-ci il, bazar günü "Roma"nın formasını sonuncu dəfə geydiyim tarix olacaq. "Roma"da oynamağın, klubun rənglərinin mənim üçün nə qədər önəmli olduğunu bir neçə cümlə ilə anlatmaq çətindir. Futbola olan sevgimin keçməyəcəyini hiss edirəm. Futbol mənim qanımda var. Futbola olan sevgim o qədər dərindi ki, getməyi ağlıma belə gətirə bilmirəm. Bazar ertəsi ayrılmağa hazıram. Yeni bir macəraya hazırlaşıram".
Qeyd edək ki, 1992-ci ildən “Roma”da çıxış edən əfsanəvi hücumçu başqa heç bir klubun formasını geyinməyib. O, 763 oyuna 306 qol vurub. İtaliya A millisində isə o, 58 oyunda 9 dəfə fərqlənib (1998-2006).
