|
|
|
|
Özbəkistan nümayəndə heyəti Nazirlər Kabineti yanında Tərcümə Mərkəzində olub.
Mərkəzdən 525.az-a verilən məlumata görə, Özbəkistan Xalq şairi Camal Kamal, tanınmış şairlər Şöhrət Salamov və Akif Azalp, Əlişir Nəvai adına Daşkənd Dövlət Universitetinin professorları Gülbahar Aşurova, Roza Niyazmetova və Nizami adına Ədəbiyyat İnstitutunun Azərbaycan-Türkmənistan-Özbəkistan ədəbi əlaqələri şöbəsinin müdiri, filologiya elmləri doktoru Almaz Ülvidən ibarət nümayəndə heyəti ilə müxtəlif mövzularda müzakirələr aparılıb.
Görüş zamanı müxtəlif dövrlərdə mərkəz tərəfindən tərcümə və nəşr edilmiş Əmriddin Berdimuradov, Məmmədəli Mahmudov, Rauf Pərvi, Məhəmməd Saleh kimi məşhur Özbəkistan ədiblərinin əsərlərindən söhbət açılıb.
Daha sonra Nizami Gəncəvinin C.Kamal tərəfindən özbək dilinə tərcümə edilmiş əsərlərinin Daşkənddə nəşri, həmçinin Azərbaycan–Özbəkistan ədəbiyyatları arasında mübadilələrin davamı olacaq digər layihələr müzakirə olunub.