Azərbaycan UEFA reytinqində mövqeyini qorudu

UEFA reytinqi açıqlanıb.

Apasport.az saytının məlumatına görə, Avropa Liqasının II təsnifat mərhələsinin cavab oyunlarından sonra siyahıda cüzi dəyişikliklər olub.
 
Qarşılaşmalardan öncə 22-ci pillədə olan Azərbaycan mövqeyini qoruyub. Ölkəmiz buna xal hesabını artırmaq sayəsində nail olub. “Qəbələ” səfərdə Polşa “Yagelloniya”sını yenməklə Azərbaycanın hesabına 0,250 xal qazandırıb. Evdə Rumıniya “Astra”sı ilə qolsuz heç-heçə edən “Zirə”nin qazancı isə 0,125 olub. Lüksemburqda “Fola”ya uduzan (1:4) “İnter” isə reytinqə fayda verməyib.
 
Beləliklə, bir gündə 0,375 xal əldə edilib. Mövsüm ərzində yığılan xallar isə 2,250-yə çatıb. “İnter” hamıdan çox – 0,750, “Zirə” 0,625, “Qarabağ” 0,500, “Qəbələ” 0,375 xal əldə edib.
 
Son 5 ilin nəticələrinə əsasən hesablanan reytinq xalımız isə 17,000-a yüksəlib. 22-ci olan Azərbaycanla 21-ci yerdə qərarlaşan Kipr arasında fərq isə böyüyüb. Adalılar artıq 0,425 xallıq üstünlüyə malikdi. Elə ölkəmiz də ən yaxın izləyicisindən uzaqlaşıb. Artıq Belarusla aramızda 0,125 xal var.
 
Qeyd edək ki, avrokuboklara qatılan 55 ölkədən 17-si üçün mövsüm başa çatıb.