|
|
|
|
İspaniya və Portuqaliya 1/8 finalda
Dünən dünya çempionatının qrup mərhələsində son tura start verilib.
Qol.az xəbər verir ki, A və B qruplarının kollektivləri bu mərhələdə son görüşlərini keçirilib.
İlk olaraq A qrupunun komanları mübarizəyə qoşulublar. Bu qrupda pley-off mərhələsinə yüksələn Rusiya və Uruqvay qarşılaşıb. Matç Uruqvayın 3:0 hesablı qələbəsi ilə başa çatıb.
Formal xarakter daşıyan Səudiyyə Ərəbistanı - Misir matçı isə birincilərin 2:1 hesablı qələbəsi ilə başa çatıb.
Ardınca B qrupunun kollektivləri üz-üzə gəlib. Son tur öncəsi burada 3 komandanın 1/8 finala adlamaq şansı var idi. Əsas diqqətlər İran - Portuqaliya matçına yönəlmişdi. Qrupun hər iki oyununda bərabərlik qeydə alındığından İspaniya və Portuqaliya 1/8 finala yüksəlib. İran və Mərakeş isə mübarizəni dayandırıb.
Uruqvay qrupu 1-ci, Rusiya 2-ci pillədə başa vurub. Uruqvay növbəti mərhələdə B qrupunun 2-cisi Portuqaliya, Rusiya isə B qrupunun 1-cisi İspaniya ilə qarşılaşacaq.
