Böyük Britaniyanın Eymsberi şəhərində bir qadın və bir kişi “Noviçok'' maddəsindən zəhərləniblər''.
APA-nın TASS agentliyinə istinadən verdiyi xəbərə görə, bu barədə Skotlend-Yardın məlumatında bildirilir.
Bununla belə polis Solsberi və Eymsberidə eyni mənbədən olan “Noviçok'' maddəsindən istifadə olunduğunu təsdiqləməyib. Skotlend-Yarddan həmçinin bildiriblər ki, zəhərlənənənlərin Skripallar ilə əlaqəli olduğu barədə heç bir məlumat yoxdur.
Qeyd edək ki, Kimyəvi Silahların Qadağan Edilməsi Təşkilatı (KSQT) mart ayında Solsberi şəhərində “Noviçok” adlı kimyəvi maddədən istifadə edildiyini təsdiqləyib.