|
|
|
|
Almaniya Bundesliqasının 28-ci turunun "Haydenhaym"la matçı "Bavariya"nın hücumçusu Harri Keyn üçün əlamətdar olub.
QOL.az xəbər verir ki, o, 2023/2024 mövsümündə 32-ci qolunu vurub.
Matçın 38-ci dəqiqəsində Keyn Serj Qnabrinin ötürməsi ilə oyunda hesabı açıb. Nəticədə o, Bundesliqada debüt mövsümündə 32-ci qolunu vurub. Bununla da Keyn rekorda imza atıb. Daha əvvəl heç bir futbolçu debüt mövsümündə 32 qol vurmamışdı.
Əvvəlki rekord (31 qol) 1963/1964 mövsümündə "Hamburq"da çıxış edən Uve Seelerə məxsus idi.
Xatırladaq ki, Keyn 2023-cü ilin yayında “Tottenhem”dən “Bavariya”ya keçib.