"Qalatasaray"ın futbolçusu Mauro İkardi İstanbul derbisinin tarixinə düşüb.
QOL.az xəbər verir ki, argentinalı hücumçu 115 ildir keçirilən derbilərdə vurulan ən erkən qolun müəllifi olub. O, ötən gün keçirilən Türkiyə Superkubokunda 50-ci saniyədə rəqib qapısına yol tapıb..
Bundan əvvəl isə rekord "Qalatasaray"ın futbolçusu Mirza Seydicə məxsus idi. O, 1984-cü ildə "Fənərbaxça" ilə keçirilən oyunun 55-ci saniyəsində hesabı açmışdı.
Xatırladaq ki, İkardinin sözügedən qolundan sonra - 2-ci dəqiqədə "Fənərbaxça" futbolçuları meydanı tərk ediblər və oyun yarımçıq dayandırılıb.