258 nömrəli orta məktəbin yeddinci sinif şagirdi Yusif Babayev beynəlxalq yarışda birincilik qazanıb.
525.az xəbər verir ki, 4-5 may tarixlərində Özbəkistanda keçirilən Aşihara karate üzrə Asiya Çempionatında Yusif 55 kq çəki dərəcəsində çıxış edib.
Qeyd edək ki, idmançı bundan əvvəl Azərbaycan Aşihara Karate Federasiyasında iki dəfə klub birinciliyini qazanıb. O, həmçinin 2023-cü ildə keçirilən Karate üzrə Respublika Çempionatında 55 kq çəki dərəcəsində ölkə birinciliyi və 2024-cü ildə Azərbaycan Karate Federasiyasının rəhbərliyi ilə Aşihara karate üzrə “Şəhidlərin xatirəsinə həsr olunmuş Bakı Kuboku”nda 55 kq çəki dərəcəsində birinci yerin qalibi və "Mübariz İbrahimov Cəsarəti" kubokunun sahibi olub.
Yusif Babayevin məşqçisi Şuşa fatehi, Aşihara karate idman növü üzrə Dünya və Avropa çempionu Fərman Rəhimovdur.