"Fənərbaxça" ötən mövsüm "Atletiko"dan icarəyə götürdüyü Çağlar Söyüncünü birdəfəlik transfer edib.
QOL.az xəbər verir ki, bu barədə klubun saytı məlumat yayıb. 28 yaşlı müdafəçi ilə 3+1 illik müqavilə imzalanıb. İstanbul təmsilçisi onun üçün Madrid klubuna 8,5 milyon avro ödəyib.
Qeyd edək ki, Çağlar ötən qışdan "Fənərbaxça"da oynayır. O, bu müddət ərzində 16 rəsmi matçda 2 qol vurub və 1 qolun ötürməsini verib.