Ronaldo Avropa çempionatları tarixində ən pis 5 oyunçudan biridir

Portuqaliya millisinin hücumçusu Kriştianu Ronaldo qolsuz zərbələrin sayına görə Avro-2024-ün lideridir.

QOL.az xəbər verir ki, o, cari Avropa çempionatında görüşlərin əsas vvə əlavə vaxtlarında qapılara ümumilikdə 20 zərbə endirib. Lakin bu zərbələrdən heç biri qolla nəticələnməyib.

Ronaldo artıq Avropa çempionatları tarixində (statistika 1980-ci ildən bəri aparılır) olsuz zərbələrin sayına görə ən pis beş oyunçudan biridir.

Avropa çempionatları tarixində bir turnirdə ən çox qolsuz zərbə vuran oyunçular:

Deko - 24 qolsuz zərbə (Avro-2004);

Fernando Yerro - 23 qolsuz zərbə (Avro-1996);

Kevin De Brüyne - 21 qolsuz zərbə (Avro-2016);

Dani Olmo - 21 qolsuz zərbə (Avro-2020);

Kriştiano Ronaldo - 20 qolsuz zərbə (Avro-2024).