|
|
|
|
“Correio da Manhã” qəzeti Portuqaliya millisinin futbolçusu Kriştiano Ronaldodan jurnalistini təhqir etdiyi üçün üzr istəməyi tələb edib.
Qol.az-ın “As” nəşrinə istinadən yaydığı xəbərə görə, Portuqaliya Futbol Federasiyası qarşısında da üzr istəmək tələbi qoyulub:
“Ronaldonun bu hərəkəti hem mediaya, həm də bütün xalqa qarşı təhqirdir. Biz futbolçudan və Portuqaliya Futbol Federasiyasından rəsmi üzrxahlıq gözləyirik”.
Qeyd edək ki, Ronaldo ondan müsahibə götürmək istəyən “Correio da Manhã”nın müxbirindən mikrofonu kobudcasına alaraq yaxınlıqdakı gölə tullayıb.