Çexiyanın "Sparta" klubunun futbolçuları Tomaş Koubek və Lukaş Vaçaya maraqlı cəzaya məruz qalıblar.
Qol.az-ın xarici KİV-lərə istinadən yaydığı xəbərə görə, Praqa təmsilçisi hər iki futbolçunun klubun qadınlardan ibarət komandasında məşq edəcəyini açıqlayıb.
Buna səbəb isə futbolçuların qadın hakim əleyhinə status yazamasıdır.
Çexiya çempionatının son turunda "Brno" ilə oyununda (3:3) qadın yan xətt hakiminin ofsayd qərarı “Sparta” futbolçularının etirazına səbəb olub.
Tomas Koubek isə sosial şəbəkədə "məncə, qadınlar mətbəxdə daha yararlıdı, kişilərin oyunlarında onlara təyinat verilməməlidi" statusunu yazıb. Koubekin komanda yoldaşı Vaça da bu cür fikirlərinə görə eyni cəzanı alıb.
Hər iki futbolçu qadınlardan üzr istəsə də, cəzadan yaxa qurtara bilməyib.