Sabah Çempionlar Liqasında II təsnifat mərhələsinə start veriləcək.
Apasport.az saytının məlumatına görə, ilk oyunlar çərçivəsində 17 qarşılaşma baş tutacaq.
Mərhələ Bakıda baş tutacaq “Qarabağ” - “Samtredia” matçı ilə başlayacaq. Ümumiyyətlə isə ilk oyun günündə 4 görüş keçiriləcək.
İyulun 12-də daha çox matç baş tutacaq. Belə ki, mərhələnin 12 qarşılaşması çərşənbə gününə təsadüf edəcək. II təsnifat mərhələsində diqqət çəkən məqam isə oyunlardan birinin qeyri-adi vaxtda keçirilməsi olacaq.
Belə ki, “Linfild”lə “Seltik” arasında görüş ayın 14-də oynanılacaq. Britaniya təmsilçiləri cümə günü qarşılaşmağı razılaşdırıb və UEFA-ya müraciətləri də müsbət həll olunub. Adətən çərşənbə axşamı və çərşənbə günləri keçirilən Çempionlar Liqasının cümədə baş tutması isə turnir üçün qeyri-adi haldi.
Çempionlar Liqası II təsnifat mərhələsi, ilk oyunlar