"Qarabağ" ÇL-in 3-cü təsnifat mərhələsində
Çempionlar Liqasında 2-ci təsnifat mərhələsinin cavab oyunları keçirilir.
Qol.az-ın xəbərinə görə, turnirdə ölkəmizi təmsil edən “Qarabağ” da növbəti oyununa çıxıb.
Ağdam təmsilçisi səfərdə “Samtredia” ilə qarşılaşıb. Bakıda keçirilən ilk oyunda Gürcüstan klubunu 5 cavabsız qolla məğlub edən Qurban Qurbanovun komandası bu dəfə də rəqibini üstələyib - 1:0.
Beləliklə, "Qarabağ" 3-cü təsnifat mərhələsinə yüksəlib. Komandamız bu mərhələdə “Kukesi” (Albaniya) – “Şerif” (Moldova) cütünün qalibi ilə qarşılaşacaq. Bu komandaların cavab oyunu sabah Albaniyada keçiriləcək. İlk görüşdə moldovanlar 1:0 hesabı ilə qələbə qazanıblar.
18 iyul
Çempionlar Liqası
2-ci təsnifat mərhələsinin cavab oyunu
21:00. “Samtredia” (Gürcüstan) – “Qarabağ” (Azərbaycan) - 0:1
Qol: Donald Gerye, 22
İlk oyun – 0:5
Baş hakim: Srcan Yovanoviç
Yan xətt hakimləri: Uroş Stoykoviç, Milan Mihayloviç
Dördüncü hakim: Marko Popoviç (hamısı Serbiya)
Tiflis. Boris Payçadze adına “Dinamo Arena
