"Mançester Yunayted"in futbolçusu Zlatan İbrahimoviç ABŞ-ın "Los-Anceles Qalaksi" klubu ilə müqavilə bağlaması haqda xəbər yayılıb.
Qol.az-ın məlumatına görə, Fransanın "L Equipe" nəşri isveçli hücumçunun bir neçə gün əvvəl sözləşməyə imza atdığını yazıb.
Lakin onun ABŞ-a nə zaman köçəcəyi hələ açıqlanmayıb. 36 yaşlı forvard ABŞ-da yeni mövsüm başlayanda - bu ilin martında yaxud da "Mançester Yunayted”lə müqavilə müddəti başa çatdıqdan sonra, yəni iyunda yeni komandasına qoşula bilər.
Qeyd edək ki, Zlatan İbrahimoviç “Mançester Yunayted”ə 2016-cı ildə PSJ-dən keçib.