|
|
|
|
Nikol Paşinyan Ermənistanın Rusiya ilə münasibətlərindən danışıb
Ermənistan müxalifətinin lideri Nikol Paşinyan ölkəsinin Rusiya ilə münasibətlərinin əhəmiyyətli olduğunu bildirib.
APA-nın “RİA Novosti”yə istinadən verdiyi xəbərə görə, Nikol Paşinyan Yerevanda keçirdiyi brifinqdə Rusiyanı qardaş ölkə hesab etdiyini vurğulayıb: “Rusiya ilə münasibətlər çox mühümdür, Ermənistan və Rusiya – dost, qardaş ölkələrdir. Lakin bu o demək deyil ki, onlarda problem yoxdur”.
Onun sözlərinə görə, müxalifət hakimiyyətə gələcəyi təqdirdə bu problemləri həll etmək niyyətindədir.
Nikol Paşinyan əlavə edib ki, Ermənistan-Rusiya münasibətləri erməni xalqının maraqları üzərində qurulmalıdır.
Bundan əvvəl N.Paşinyan baş nazir postunu tutmağa hazır olduğunu bildirib.
Qeyd edək ki, Ermənistanın keçmiş prezidenti Serj Sarkisyanın baş nazir olması ilə bağlı etiraz aksiyaları aprelin 13-dən keçirilib. Aprelin 23-də Ermənistan hökuməti istefa verib. Ölkədə yeni baş nazir seçkiləri mayın 2-nə təyin edilib.