Ermənistan prezidenti Serj Sarkisyan Türkiyə prezidenti Rəcəb Tayyib Ərdoğanın aprelin 24-də Çanaqqala qələbəsinin 100 illiyinin qeyd edilməsi münasibətilə təşkil olunacaq bayram tədbirlərində iştirak etməklə bağlı dəvətini rədd edib.
APA-nın “Novosti Armeniya”-ya istinadən verdiyi məlumata görə, bu barədə S.Sarkisyanın mətbuat xidməti məlumat yayıb.
Qeyd edək ki, yanvarın 15-də Rəcəb Tayyib Ərdoğan Azərbaycan prezidenti ilə birgə keçirdiyi mətbuat konfransında Çanaqqala döyüşündə qazanılmış qələbənin 100 illiyinin qeyd ediləcəyini bildirmişdi. Bununla bağlı, aprelin 24-də Türkiyəyə bir sıra ölkələrin dövlət başçıları dəvət ediləcək.