../img/pics/medium/140294_zfwhlslh5v.jpg Gənclərin sosiallaşması ideoloji tərbiyə kontekstində - Oktay Səmədov yazır
../img/pics/medium/140293_ijdzj36oao.jpg Qələmsiz yazılanlar - Rəşad Məcidin status-esseləri
../img/pics/medium/140295_4m9jkhrbez.jpg Milli mətbuatın aktuallığını itirməyən problemləri - Əhməd bəy Ağaoğlu-150
../img/pics/medium/140263_fh98e0q3aw.jpg Qəzaya uğrayan MiQ-29 təyyarəsinin “qara qutu"su tapıldı
SON XƏBƏRLƏR
19 Avqust 2019
18 Avqust 2019

III “Raquf Orucov Kuboku”beynəlxalq cüdo turniri başa çatdı - Foto

III “Raquf Orucov Kuboku”beynəlxalq cüdo turniri başa çatdı -<b style="color:red"> Foto</b>

Aprelin 17-də əfsanəvi kəşfiyyatçı, şəhid polkovnik-leytenant Raquf Orucovun və digər aprel şəhidlərinin xatirəsinə həsr olunmuş,21 yaşınadək gənclər arasında III “Raquf Orucov Kuboku” beynəlxalq cüdo turniri keçirilib. Bakı İdman Sarayında təşkil olunan yarışın əsas məqsədi gənclərə vətənpərvərlik hissi və döyüş ruhu aşılamaq, onların Vətənin müdafiəsinə hazırlıq səviyyəsini artırmaq, həmçinin idmançılar arasında dostluq və yoldaşlıq hisslərini möhkəmləndirməkdən ibarət olub.

Gənclər və İdman Nazirliyi, Azərbaycan Cüdo Federasiyasının dəstəyi,“Azman Holdinq”in tərkibinə daxil olan“Judo Club 2012” klubunun təşkilatçılığı ilə keçirilən klublararası turnirdə Azərbaycanla yanaşı, Rusiya, Gürcüstan və Qazaxıstanı təmsil edən 13 klub komandası mübarizə aparıb. Rusiyanı turnirdə Qroznı, Dərbənd və Mahaçqaladan olan komandalar təmsil edib.

Turnirin açılış mərasimində dövlət və hökumət qurumlarının nümayəndələri, millət vəkilləri, veteran hərbçilər, şəhid ailələrinin üzvləri və idman ictimaiyyətinin nümayəndələri iştirak ediblər.

İştirakçı komandaların paradı ilə başlanan mərasimdə əvvəlcə Azərbaycan Respublikasının Dövlət Himni səsləndirilib. Şəhidlərin xatirəsi bir dəqiqəlik sükutla yad edilib. 

Açılış mərasimində çıxış edən Raquf Orucovun oğlu Aqşin Oruclu yarış iştirakçılarını salamlayaraq turnirin təşkilatçılarına minnətdarlığını bildirib. O, artıq ənənəvi xarakter  alan turnirə ictimaiyyət tərəfindən böyük maraq olduğunu qeyd edib: “Üç ildir ki, yarışa dəvət alan xarici idmançılar Şəhidlər xiyabanını ziyarət edir, Azərbaycan qəhrəmanlarını tanıyırlar. Onların sayı hər il artır. Bu əfsanəvi komandir və onun şəhid silahdaşlarını gənclərə tanıtdırmağın ən gözəl yollarından biridir”.  

Gənclər və İdman Nazirliyinin idman şöbəsinin müdiri Fərid Mansurov çıxışında qeyd edib ki, Aprel döyüşləri Azərbaycan ordusunun döyüş əzminin göstəricisi, xalqımızın birliyinin nümayişi idi. O deyib: “Xalqımızın qəhrəmanlıq salnaməsi olan Aprel döyüşləri hər kəs tərəfindən iftixarla xatırlanır, şəhidlərimizin ölməz xatirəsi ehtiramla yad edilir. Bu döyüşlər Azərbaycan xalqının birliyinin, dəyanətinin, əyilməzliyinin və mübarizliyinin sübutudur. Ordumuzun əsgər və zabitləri Aprel döyüşlərində böyük hünər və rəşadət göstərərək öz qəhrəmanlıqları ilə tarix yazdılar. Qəhrəmanlar daim bizim qəlbimizdə yaşayacaqlar. Bu gün gənclər arasında təşkil olunan cüdo turniri də bunun bariz nümunəsidir. Bu yarış gənclərdə hərbi-vətənpərvərlik hissinin və döyüş ruhunun aşılanması baxımından çox vacibdir”. 

Azərbaycan Cüdo Federasiyasının baş katibi Elmar Babanlı hərbi-vətənpərvərlik hisslərinin, idmanın və sağlam həyat tərzinin gənclər arasında təbliğində belə turnirlərin əhəmiyyətini yüksək qiymətləndirib: “Aprel döyüşləri Azərbaycan xalqının həmrəyliyini göstərdi. Bu döyüşlərdə siyasi mövqeyindən, sosial durumundan, maddi vəziyyətindən, əqidəsindən asılı olmayaraq hər kəs öz vətəndaşlıq mövqeyini nümayiş etdirdi. Raquf Orucov və onun kimi vətən yolunda şəhid olmuş digər qəhrəmanlarımız heç vaxt Azərbaycan xalqının yaddaşından silinməyəcək. İnanıram ki, Azərbaycan cüdosunun inkişafında atılan növbəti addımlardan biri kimi, bu turnir təşkilatı baxımından yüksək səviyyədə keçəcək”.

Bədii hissədə vətənpərvərlik mövzusunda maraqlı kompozisiya təqdim olunub, əməkdar artist Fərqanə Qasımova “Azərbaycan” mahnısını ifa edib.

Açılış mərasimində iştirak edən Suraxanı rayonundakı 270 nömrəli orta məktəbin Raquf Orucovun adını daşıyan iki sinfinin hərbi geyimli şagirdlərinin “Şəhidlər ölməz, Vətən bölünməz” şüarı alqışlarla qarşılanıb.

Sonra turnirin final mərhələsinə start verilib.

Əvvəlcə bürünc mükafatlar uğrunda görüşlər keçirilib. Üçüncü yer uğruda “Judo Club 2012”ninikinci komandası, Qroznının “Edelveys”, Mahaçqalanın Uşaq-Gənclər Olimpiya Ehtiyatları Məktəbi (UGOEM) və Dərbəndin “Dinamo” komandaları mübarizə aparıblar.Bürünc medalları UGOEM və “Dinamo” komandaları qazanıblar.

Finalında isə “Judo Club 2012”nin əsas komandası və Gürcüstanın “Şevardeni”klubunun cüdoçuları qalib adı uğrunda yarışıblar. Gərgin mübarizə şəraitində keçən final qarşılaşmasındaGürcüstan komandası  III “Raquf Orucov Kuboku” turnirinin qalibi olub. “Judo Club 2012”nin əsas komandası isə ardıcıl üçüncü dəfə ənənəvi turnirin gümüş medalına layiq görülüb.

Qaliblərə mükafatları Azərbaycan Cüdo Federasiyasının  İcraiyyə Komitəsinin üzvü, Azərbaycan Cüdo Veteranları Assosiasiyasının prezidenti, “Judo Club 2012” idman klubunun təsisçisi Azər Əsgərov, Federasiyanın baş katibi Elmar Babanlı, “Azman-Holdinq”in icraçı direktoru İlham Əhmədov, “Judo Club 2012” idman klubunun icraçı direktoru, Azərbaycanın Əməkdar məşqçisi Hafis Hacıyev, şəhid Raquf Orucovun oğlu Aqşin Oruclu təqdim ediblər.

Xatırladaq ki, 2017-ci ildə ilk dəfə keçirilən “Raquf Orucov Kuboku” turnirinin finalında da Gürcüstan cudoçuları həlledici qarşılaşmada “Judo Club 2012” komandasına qalib gələrək yarışın ilk qalibi olmuşdular.

Turnirdə iştirak edən xarici klubların nümayəndələri yarışların yüksək səviyyədə təşkilindən razılıqlarını bildiriblər. Qazaxıstanın «Jas-Batır» klubunun baş məşqçisi Sergey Volobuyev deyib: «Azərbaycanda bir neçə dəfə beynəlxalq yarışlarda olmuşuq. Lakin «Judo Club 2012»nin təşəbbüsü ilə keçirilən bu turnirdə ilk dəfədir ki, iştirak edirik. Mənə Raquf Orucovun qəhrəmanlığı barəsində məlumat verilib. Raquf Orucov Azərbaycan torpağının azadlığı uğrunda qəhrəmancasına öz canından keçib. Yarış təşkilatçılarına  minnətdarlığımı bildirirəm ki, belə bir qəhrəmanın xatirəsinə turnir keçirərək onu bizə daha yaxından tanıdırlar. Bu, gənclər üçün xüsusilə böyük önəm daşıyır. Yarışda iştirak edən gənc idmançılar onun haqqında məlumatlı olacaq ki, bu da onlarda əsl qəhrəmanlığın, mübarizliyin və qorxmazlığın necə olması barədə təəssürat yaradacaq”.

Turnirdə ədaləti qoruyan qazaxıstanlı hakim Arkat Telmanov isə deyib: «İlk dəfədir ki, bu yarışda iştirak edirəm. Belə bir qəhrəmanın xatirəsinə həsr olunan yarışda hakimlik etmək, ədaləti qorumaq mənim üçün böyük şərəfdir. Turnirin təşkilatçılığı, həqiqətən də, yüksək səviyyədədir. Burada çox mehribanlıqla qarşılandıq. Bizə belə bir diqqət və qayğı göstərdiyinə görə «Judo Club 2012» rəhbərliyinə minnətdarlığımı bildirirəm. Fürsətdən istifadə edib klubun zallarını gəzdim, buradakı avadanlıqlarla tanış oldum. Düzünü desəm, burada gördüyüm mənzərə məni valeh etdi. Belə müasir üslubda tikilmiş və yüksək şəraitə malik olan klub nadir hallardadır. İdmançılarınız belə bir zalda məşq etdikləri üçün çox şanslıdırlar».

Turnirdə iştirak edən Rusiya və Gürcüstan klublarının rəhbərləri də yarışların yüksək səviyyədə keçirilməsinə, Bakının qonaqpərvərliyini yaxından görmək üçün komanda üzvlərinə hərtərəfli şərait yaradılmasına görə təşkilatçılara minnətdarlıqlarını bildiriblər.

 





 

 


 
Bölmənin digər xəbərləri
“Judo Club 2012”nin gənc cüdoçuları Azərbaycan birinciliyinin qalibi oldular “Judo Club 2012”nin gənc cüdoçuları Azərbaycan birinciliyinin qalibi oldular
Avqustun 15-16-da "Sərhədçi" İdman Olimpiya Mərkəzində 23 yaşınadək gənclər arasında cüdo üzrə Azərbaycan birinciliyi keçirilib. ...
19.08.19
“Qarabağ” on nəfərlə oynadı - Aydın Bağırov “Qarabağ” on nəfərlə oynadı - Aydın Bağırov
Kiprdəki oyundan iki gün sonra Rəşad Sadıqova telefon söhbətimdə deyəndə ki, sizə uduzduqdan sonra APOEL baş məşqçisini istefaya göndərib və yerinə də bir zamanlar “Borussiya” Dortmundu çalışdıran...
14.08.19
Motokross üzrə Bakı çempionatının qalibləri müəyyənləşdi Motokross üzrə Bakı çempionatının qalibləri müəyyənləşdi
Bakı şəhər Gənclər və İdman Baş İdarəsi (BŞGİBİ) tərəfindən Ümid Avtomobil Klubunun meydançasında motokross üzrə Bakı şəhər çempionatı keçirilib....
09.08.19
APOEL baş məşqçini istefaya göndərdi - “Qarabağ”a uduzduğuna görə APOEL baş məşqçini istefaya göndərdi - “Qarabağ”a uduzduğuna görə
APOEL baş məşqçisi Paolo Trametsani istefaya göndərib....
08.08.19
Deputat Deputat "Qarabağ"ı təbrik etdi
Azərbaycanın “Qarabağ” komandası Çempionlar Liqasının III təsnifat mərhələsində səfərdə Kiprin APOEL komandasına qalib gəlib. Komandamızın bu qələbəsi bizə ikiqat sevinc bəxş etdi. Bu qələbənin...
07.08.19
“Qarabağ”dan APOEL və Kipr polisinə siyasi təxribatla bağlı müraciət “Qarabağ”dan APOEL və Kipr polisinə siyasi təxribatla bağlı müraciət
“Qarabağ” APOEL-lə bu gün keçiriləcək oyunda mümkün təxribatların qarşısını almaq üçün Kipr klubuna müraciət edib. ...
06.08.19
Ağır çəkili qızıl medalçımız - “Judo Club 2012”nin yetirməsi - Foto Ağır çəkili qızıl medalçımız - “Judo Club 2012”nin yetirməsi - Foto
Bakıda uğurla başa çatan XV Avropa Gənclər Olimpiya Festivalı Azərbaycan cüdoçuları üçün də yaddaqalan olub. ...
30.07.19
Veteran cüdoçularımız Avropa çempionatında uğurla çıxış ediblər - Foto Veteran cüdoçularımız Avropa çempionatında uğurla çıxış ediblər - Foto
İyulun 25-dən 28-dək İspaniyanın Las-Palmas-de-Qran-Kanariya şəhərində veteran cüdoçular arasında Avropa çempionatı keçirilib. ...
30.07.19
"25 il ərzində çalışdıq ki, gənclər və idman sahəsində hərtərəfli siyasət aparaq"
"1994-cü ildə ulu öndər Heydər Əliyevin ilk sərəncamlarından biri Gənclər və İdman Nazirliyinin yaradılması idi. Azərbaycanda gənclər və idman sahələrinin prioritet olacağını ulu öndər görürdü...
26.07.19
"Neftçi"ni aparan təyyarə 5 saatdan çox ləngimədən sonra yola düşdü - Yenilənib
Göyərtəsində "Neftçi" komandasının da yer aldığı Bakı - Moskva təyyarəsi uçuşa başlayıb. ...
24.07.19
Messi bir oyunluq cəza aldı Messi bir oyunluq cəza aldı
Argentina milli komandasının və İspaniyanın “Barselona” klubunun futbolçusu Lionel Messi bir oyunluq cəzalandırılıb. ...
24.07.19
"Qarabağ"ın potensial rəqibləri müəyyənləşdi - Çempionlar Liqası
Bu gün Çempionlar Liqasında 3-cü təsnifat mərhələsinin püşkü atılıb. ...
22.07.19
Əfsanəvi ciu-citsu ustası Əfsanəvi ciu-citsu ustası "Judo Club 2012"də seminar keçdi
Məşhur braziliyalı döyüşçü, adı UFC-nin (Ultimate Fighting Championship) Şöhrət zalına daxil edilmiş ciu-citsu ustası Roys Qreysi iyulun 19-da ölkəmizə gəlib....
22.07.19
“Dundalk”ın rəhbəri: “Qarabağ”dan nümunə götürməliyik” “Dundalk”ın rəhbəri: “Qarabağ”dan nümunə götürməliyik”
Çempionlar Liqasının ikinci təsnifat mərhələsində “Qarabağ”ın rəqibi olan İrlandiyanın “Dundalk” klubunun sədri Mayk Treysi Ağdam təmsilçisi haqda xoş fikirlər səsləndirib. ...
19.07.19
Dünya şöhrətli UFC və MMA döyüşçüsü “Judo Club 2012”də seminar keçəcək Dünya şöhrətli UFC və MMA döyüşçüsü “Judo Club 2012”də seminar keçəcək
Əfsanəvi braziliyalı döyüşçü, adı UFC-nin (“Ultimate Fighting Championship”in)Şöhrət zalına daxil edilmiş ciu-citsu ustası Roys Qreysi Bakıya gəlir. ...
19.07.19
© 2012 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.