Hər bir fahişə qadının belə qəmli bir tarixçəsi olur. Olmasa belə uydururlar. Sənə heç nə uydurmadan yazıram.
***
İçim bomboşdur. İçimdəki boşluqları doldurmaq üçün sözlər axtarıram. Tapa bilmirəm. Buna baxmayaraq, içimdə hirs və hikkə adına heç nə yoxdur.
***
Hər bir kəs nə vaxtsa həyatında bir dəfə xoşbəxt olur. Mənim gələcəkdən elə bir gözləntim yox. Hər şey keçmişdə qalıb...
***
Bizim xalqda fəlsəfə ilə bağlı maraqlı bir fikir formalaşıb; Kim ki elmlə məşğul ola bilmir, filosofluq edir. Bu cür düşüncə tərzi bizi heç vaxt fəlsəfənin həqiqi mahiyyətini dərk eləməyə imkan verməyib. Hər hansı bir tədqiqat sahəsi dəqiq formullarla ifadə olunmuş biliyi meydana çıxardıqda bu bilik elm adlanır. Hər bir elm fəlsəfə kimi başlayır, sənət kimi başa çatır.
***
Bütün yaxşı və pis keyfiyyətlər insanın mahiyyətini ifadə etmir. İnsanın mahiyyəti boş və mənasız bir şeyi - ona verilən ömrü dəyərləndirmək cəhdindən başqa bir şey deyil. Bu belə olmasaydı, tale təkcə mənsub olduqları xalqların ədəbiyyatında deyil, dünya ədəbiyyatının tarixində, söz və nüfuz sahibi olan bir çox qələm əhlini ömrün və insanın nə olduğunu dərk edəndən sonra intihara sürükləməzdi.
QEYDLƏRİN TAM VERSİYASINI "525-Cİ QƏZET"İN BUFƏDƏKİ ŞƏNBƏ SAYINDAN OXUYA BİLƏRSİNİZ