|
|
|
|
UEFA ilin futbolçusu adına namizədləri açıqlayıb
İlin futbolçusu adına namizədlər açıqlanıb.
525.az xəbər verir ki, UEFA bu mükafata üç namizədi müəyyənləşdirib.
Çempionlar Liqasının finalçılarının yer aldığı “üçlük”də “Çelsi”nin iki, “Mançester Siti”nin bir futbolçusu var. Bunlar Jorjinyo, Nqolo Kante və Kevin de Breynedir.
İlin futbolçusunun adı Çempionlar Liqasının qrup mərhələsinin avqustun 26-da keçiriləcək püşkatmasında açıqlanacaq. Tədbir Türkiyənin İstanbul şəhərində təşkil olunacaq.
Tədbirdə ən yaxşı məşqçi də mükafatlandırılacaq. Bu ada Pep Qvardiola (“Mançester Siti”), Tomas Tuxel (“Çelsi”) və Roberto Mançini (İtaliya yığması) iddia edir.
Qeyd edək ki, ötən həftə mövqelər üzrə Çempionlar Liqasının ən yaxşıları və Avropa Liqasının ən yaxşı futbolçusu adına namizədlər də açıqlanmışdı.
