“Qarabağ” kimi komandanı necə qurublar, çox maraqlıdır”
"Sabah"ın sabiq baş məşqçisi, hazırda “Krasnodar”ı çalışdıran Murad Musayev Azərbaycan çempionatı haqda danışıb.
QOL.az xəbər verir ki, o, "Komment.Şou" "Yutub" kanalına müsahibəsində "Qarabağ"ı xüsusi fərqləndirib:
“Azərbaycan çempionatında maraqlı olan nədir? Orada “Qarabağ” oynayır. Düşünürəm ki, hamı ona baxmalıdır. O, minimal imkanlarla güclü Avropa futbolundakı ciddi hadisədir. Məsələn, “Qarabağ" “Braqa”nı məğlub etdi. İkinci matçda 10 futbolçu ilə qalmalarına və əlavə vaxta baxmayaraq, demək olar ki, üç hissədə Portuqaliya Liqa Kubokunu qazanan "Braqa"dan üstün oldular. Və belə bir komanda qurmağı necə bacardılar, çox maraqlıdır.
Böyük sovet ənənələri olan “Neftçi” klubu var. Bir sıra maraqlı komandaları qeyd edə bilərəm. “Sabah da çox maraqlı komandadır”.
