"Xəzər Lənkəran”ın transferə çıxardığı hücumçu Elnur Cəfərovun “Qarabağ”a keçidi baş tutmayıb.
Gənc futbolçu Qol.Az-a açıqlamasında Ağdam klubundan imtina etməsinin səbəbini açıqlayıb:
“Təbii ki, “Qarabağ” elə komandadır ki, hər kəs orada oynamaq istəyər. Ancaq evdə böyüklərim məsləhət bildi ki, karyeramı ölkə xaricində davam etdirim. Buna görə də “Qarabağ”a keçidim alınmadı”.
Millimizin üzvü “Xəzər Lənkəran” haqda danışmaq istəmədiyini bildirib:
“Ən uzağı iki həftə ərzində hansı kluba keçəcəyim bəlli olacaq. Bundan sonra ətraflı danışarıq”.
E.Cəfərov hələ ki, “Xəzər Lənkəran”dan transfer vərəqəsini almadığını deyib.