"Yuventus"un qapıçısı Canluici Buffon Madrid "Real"ının onunla maraqlanması ilə bağlı yayılan xəbərlərə münasibət bildirib.
Qol.Az-ın ABC-yə istinadə verdiyi məlumata görə, 38 yaşlı qapıçı "Real"ın prezidenti Florentina Perezin də ona zəng etmədiyini deyib:
"Perez mənə heç vaxt zəng etməyib. Nə 2005-ci ildə, nə də ondan sonra. Bilmirəm bu xəbərlər necə və harda yayılıb, ancaq doğru məlumat deyil. Bilirəm ki, əgər "Real" bir futbolçunu istəyirsə, gedir və alır.
O zamanlar "Real" mənimlə maraqlanmayıbsa, deməli onlar İker Kasilyasın komandanın çərçivəsini əla qoruyacağına inanırdılar. "Real"ın mənə ehtiyacı yoxdur".