Fransa millisinin yarımmüdafiəçisi Pol Poqba "Avro-2016" öncəsi maraqlı fikirləri ilə diqqət çəkib.
Qol.az-ın "RMC Sport"a istinadən verdiyi məlumata görə, 23 yaşlı futbolçu bildirib ki, yığmasının lideri olduğuna əmin deyil:
"Düşünürəm ki, azarkeşlərimiz bizə inanır. Onlar həm meydanda, həm də oyunlar zamanı komandaya böyük kömək olacaqlar. Mən də arxamızda böyük azarkeş kütləsinin olduğunu bilirəm və onları məyus etmək istəmirik. Yığmanın lideri olduğuma əmin deyiləm. Ancaq meydanda özüm olacam".
Qeyd edək ki, A qrupunda qərarlaşan Fransa millisi Albaniya, Rumıniya və İsveçrə yığmaları ilə mübarizə aparacaq.