“Neftçi” Azərbaycan kubokunda yubiley məğlubiyyətini alıb.
Qol.az-ın PFL-in saytına istinadən yaydığı xəbərə görə, 1/4 final mərhələsinin “Zirə” ilə cavab qarşılaşmasındakı 1:2 hesablı məğlubiyyət Bakı klubunun tarixində bu yarışdakı 30-cu uğursuzluq olub.
1992-ci ildə debüt etdiyi turnirdə 148 matç keçirən paytaxt təmsilçisi hamıdan çox – 86 qələbə qazanıb, ən çox da – 32 dəfə heç-heçə edib. Bakılılar bu qarşılaşmalarda 244 qol vurub, qapısından 94 top buraxıb.