Böyükağa Hacıyevdən məşqçilərə sərt ittiham
“Bu gün mənim işimi o məşqçilər müzakirə edir ki, qazandığım nəticənin yarısını qazana bilməyiblər. Etdiklərimin yarısını etsinlər, sonra işimə qiymət versinlər”.
525.az-ın məlumatına görə, bu sözləri “Neftçi” klubunun baş məşqçisi Böyükağa Hacıyev jurnalistlərə açıqlamasında deyib.
Baş məşqçinin bu sözləri yerli mütəxəssislər tərəfindən narazılıqla qarşılanıb.
Azərbaycanın əməkdar məşqçisi Ağasəlim Mircavadov isə Hacıyevin fikirlərinə belə cavab verib:
“İstənilən məşqçi oyun haqda danışa, təhlil apara bilər. Məndən “Neftçi”nin oyunu barədə soruşarkən bildirmişəm ki, müdafiədə ciddi səhvləri var. Hər bir insan öz fikrini ifadə edə bilər. Biz də istəyirik ki, Böyükağa müəllim uğur qazansın”.Mən nə yerli, nə də əcnəbi həmkarlarımın işini müzakirə etmişəm. Lakin fikir mübadiləsi, düzgün təhlil aparmaq olar. Yeri gələndə bu, mütləq lazımdır”.
