“Hər zaman Azərbaycan, Gürcüstan və Türkiyə düşmənlərinə qarşı birgə mübarizə aparacaq”.
APA-nın yerli bürosunun xəbərinə görə, Türkiyənin Gürcüstandakı səfiri Fatma Ceren Yazqan səfirlik binası qarşısında Türkiyə ordusunun Suriyanın şimalında apardığı “Barış bulağı” hərbi əməliyyatlarına dəstək məqsədi ilə aksiya keçirənlərə müraciət edərkən belə deyib.
“Türkiyənin terrorla mübarizəsinə verdiyiniz dəstək bizim üçün çox vacibdir. Sizi bu cür görmək bizim üçün qürurvericidir. Türkiyə, Gürcüstan və Azərbaycan dostluğunu ancaq bu qədər gözəl nümayiş etdirə bilərdiniz”, - deyə, səfir qeyd edib.