"Mançester Yunayted" və "Borussiya" 1/4 finalda

Bu gecə keçiriləcək iki oyunla Çempionlar Liqasında 1/8 final mərhələsinə yekun vurulub.

Qol.Az-ın məlumatına görə, məhz bu iki oyundan sonra Çempionlar Liqasının bütün 1/4 finalçıları bəlli olub.

Günün maraq doğuran oyunlarından biri Mançesterdə baş tutub. Burada yerli "Mançester Yunayted" klubu səfərdə 0:2 hesabı ilə məğlub olduğu "Olimpiakos"u qəbul edib. Bu görüşdə 3:0 hesabı ilə qələbə qazanan "qırmızı şeytanlar" 1/4 finala yüksəliblər.

Digər görüşdə isə "Borussiya" (Dortmund) klubu evdə "Zenit" komandasını sınağa çəkib. İlk görüşdə Peterburqda 4:2 hesabı ilə qələbə qazanan Dortmund təmsilçisi üçün bu oyun müəyyən qədər formal xarakter daşıyacaqdı. Bu oyunda rəqibinə 1:2 hesabı ilə uduzmasına baxmayaraq "Borussiya" klubu 1/4 finalda oynamaq hüququ qazanıb. 






19 mart

Çempionlar Liqası, 1/8 finalın cavab oyunları 

23:45. "Borussiya" (Dortmund, Almaniya) - "Zenit" (Rusiya) (İlk oyun - 4:2) - 1:2
Qollar: Halk, 16 (0:1), Kehl, 38 (1:1), Rondon, 73 (1:2)

23:45. "Mançester Yunayted" (İngiltərə) - "Olimpiakos" (Yunanıstan) (İlk oyun - 0:2) - 3:0
Qollar: Van Persi, 25-pen (1:0), 45 (2:0), 52 (3:0)

18 mart

"Çelsi" (İngiltərə) - "Qalatasaray" (Türkiyə) (İlk oyun - 1:1) - 2:0 
Qollar: Samuel Eto'O, 4 (1:0), Qari Kehil, 43 (2:0)

"Real" (Madrid, İspaniya) - "Şalke" (Almaniya) (İlk oyun - 6:1) - 3:1
Qollar: Ronaldo, 22 (1:0), Tim Hooqland, 31 (1:1), Ronaldo, 74 (2:1), Morata, 75 (3:1)



12 mart

"Barselona" (İspaniya) - "Mançester Siti" (İngiltərə) (İlk oyun - 2:0) - 2:1 
Qollar: Messi, 67 (1:0), Kompani, 88 (1:1), Alveş, 90+2 (2:1)
Qırmızı vərəqə: Zabaleta, 78 ("Mançester Siti")
 
PSJ (Fransa) - "Bayer" (Leverkuzen, Almaniya) (İlk oyun - 4:0) - 2:1 
Qollar: Sam, 6 (0:1), Marqinos, 13 (1:1), Lavezzi, 53 (2:1)
Qırmızı vərəqə: Can, 68 ("Bayer")



11 mart

"Atletiko" (Madrid, İspaniya) - "Milan" (İtaliya) (İlk oyun - 1:0) - 4:1 
Qollar: Dieqo Kosta, 3 (1:0), Kaka, 27 (1:1), Arda Turan, 41 (2:1), Raul Qarsiya, 71 (3:1), Dieqo Kosta, 85 (4:1)
 
"Bavariya" (Almaniya) - "Arsenal" (İngiltərə) (İlk oyun - 2:0) - 1:1 
Qollar: Şvaynştager, 55 (1:0), Padolski, 57 (1:1)