"Nottinqem Forest" İngiltərə Premyer Liqasında komandanın 4 xalı kəsmək qərarına qarşı apellyasiya şikayəti verib.
QOL.az xəbər verir ki, bu barədə klubun mətbuat xidməti məlumat yayıb.
Martın 18-də klubun liqanın maliyyə qaydalarını pozduğuna görə cəzalandırıldığı bildirilib. "Nottinqem Forest" öz günahsızlığını sübut etməyə və sanksiyaları qaldırmağa ümid edir.
Cəza tətbiq olunana qədər "Nottinqem Forest" 2023/24 İngiltərə çempionatının turnir cədvəlində 29 matçdan 25 xalla 17-ci yerdə idi. Sanksiyalardan sonra klub 21 xalla 18-ci pilləyə düşüb.