|
|
|
|
"Qarabağ"ı udduğumuza görə 5-6 xal vermirlər" - Krunoslav Renduliç
"Futbolçularımı təbrik edirəm. Onların hər biri ilə fəxr edirəm. Bu gün möhtəşəm mübarizə apardılar. Meydanda aslanlar kimi döyüşdülər. Belə davam etsək, hər komandaya qalib gələ bilərik. Bilirdik ki, "Qarabağ" çox yaxşı komandadır. Bu qələbəyə layiq idik. Bu gün qələbəni qeyd edib sabahdan etibarən növbəti oyuna hazırlaşacağıq".
QOL.az xəbər verir ki, bu sözləri "Sabah"ın baş məşqçisi Krunoslav Renduliç Misli Premyer Liqasının 30-cu turunda öz meydanlarında "Qarabağ"ı 3:2 hesabı ilə məğlub etdikləri oyundan sonra deyib.
Mütəxəssis "Qarabağ"a qarşı qurduqları oyun planından söz açıb: "Qarabağ" Azərbaycanın ən yaxşısıdır. İstəyirdik ki, xətlər arasında əlaqə sıx olsun. İlk 15-20 dəqiqədə bunu istədiyimiz kimi edə bilmədik. Mərkəzdə boşluq verdik. Rəqib də bundan istifadə edirdi. Amma sonradan düzgün oynamağa başladıq".
Mütəxəssis oyundan sonra komandasının sevinməsi haqda bunları deyib: "Deməzdim ki, "Qarabağ"ı məğlub etdiyimizə görə belə sevinirdik. Onları udduğumuza görə 5-6 xal vermirlər. Oyunçularımız bu gün mükəmməl çıxış etdilər. Buna görə belə sevindim".
Baş məşqçi futbolçusu Anatoli Nuriyevin oyununa da toxunub: "Oyuna start heyətdə başlamaqla sonradan meydana çıxmaq arasında fərq var. Anatoli "Turan Tovuz"la oyundan öncə 10-a yaxın məşqi buraxmışdı. Amma bu gün yaxşı çıxış etdiyini deyə bilərəm".
