Soso Pavliaşvili Bakıda
Rusiyanın gürcü əsilli müğənnisi Soso Pavliaşvili Bakıdadır.
Axşam.az-ın məlumatına görə, ifaçı bu gün Heydər Əliyev Sarayında konsert verəcək. Onun Heydər Əliyev adına Hava Limanında lentə alınan videosunu müğənni Emin Ağalarov İnstaqram səhifəsində paylaşıb.
“Bakıya gəldik. Qonaqlarımız Soso Pavliaşvili və Keti Topuryadır. Konsertdə görüşərik” deyə, Emin bildirib.
Xeyriyyə məqsədli konsertdən əldə olunan gəlir xərçəng xəstəliyindən əziyyət çəkən uşaqların müalicəsinə sərf olunacaq.
Qeyd edək ki, S.Pavliaşvili qondarma "Dağlıq Qarabağ Respublikası"na konsertə getdiyi üçün Azərbaycanın qara siyahısına salınmışdı. O, bu yaxınlarda Azərbaycan Xarici İşlər Nazirliyinə (XİN) məktubla müraciət edərək, Azərbaycan Respublikası ərazisinə giriş qadağasının ləğv olunmasını xahiş etmişdi. Müraciət müvafiq qaydada nəzərdən keçirilib və ifaçının Azərbaycan ərazisinə daxil olmasına icazə verilib.
Müğənninin Bakıya gəlməsinə bir çox sənət adamı etiraz bildirmişdi.
