|
|
|
|
Bazar günləri Rusiyanın birinci kanalında "Vremya" proqramının buraxılışı həmyerlimiz İradə Zeynalovanın təqdimatında efirə gedəcək.
ANS PRESS-in məlumatına görə, bu barədə informasiya Rusiya mətbuatında yer alıb. İ.Zeynalova işdən çıxan Pyotr Tolstoyu əvəz edəcək.
Qeyd edək ki, İradə Zeynalova 1997-ci ildən televiziya sahəsində çalışır. O, 2003-cü ildən Birinci kanalda işləyir və 2006-cı ildə burada mükafatlandırılıb. İradə Zeynalova 2007-ci ildən London bürosu üzrə müxbir olub. 2011-ci ildən isə kanalın yaxın şərq bürosuna rəhbərlik edir.
İ.Zeynalovanın aparıcı qismində bu verilişə seçilməsi isə informasiya proqramı aparıcıların köhnə stereotipləri dağıdan insan axtarışları ilə əlaqələndirilib.
Onun aparıcılığı ilə bazar günü "Vremya"nın buraxılışı sentyabrın 9-da saat 21:00-da efirə çıxacaq.