Azərbaycanı "Eurovision-2014"-də bu mahnı təmsil edəcək- Video
Azərbaycan təmsilçisi Dilarə Kazımova “Eurovision-2014” mahnı müsabiqəsində
“Start a Fire” mahnısını ifa edəcək.
Axşam.az xəbər verir ki, mayın 6-da
Danimarkanın paytaxtı Kopenhagendə keçiriləcək birinci yarımfinalda D.Kazımova
B&W Hallerne arenasında tamaşaçılar qarşısına məhz bu mahnı ilə
çıxacaq.
Mahnısını güclü və eyni zamanda həssas qadının etirafı kimi təsvir
edən gənc və istedadlı Dilarə Kazımova deyib:
“Bu mahnı sadəcə məhəbbətdən deyil, həmçinin mərhəmət, insanlıq, qarşılıqlı
hörmət və bəzən çox qəddar olan dünyada tənha olmağın səbəbləri barədədir.
Mahnının süjeti faciəvi olsa da, lakin sonunda işıqlı gələcəyə ümid var. Sanki
qaranlıqda isti, zəif duyulan işıq görürsən. İndi mən, bu mahnıda yaşayıram, onu
sonuncu nota qədər hiss eləmişəm və çox istərdim ki, auditoriya da onun dərin
mənasını dərk eləsin”.
“Start a Fire” mahnısı istedadlı müəlliflər – Yohann
Kronland, Allessandr Qutxardt və Stefan Örn tərəfindən yazılıb.
Qeyd edək
ki, S.Örn “Eurovision- 2011”in qalib mahnısı “Running Scared”ın
müəlliflərindəndir.
Mahnıda deyilir: “Hətta ən zəif işıq belə alov yarada
bilər”.
