FİFA milli komandaların noyabr ayı üçün yeni reytinq siyahısını açıqlayıb.
Qol.Az-ın məlumatına görə, Azərbaycan milli komandası ötən ayla müqayisədə 12 pillə geriləyib.
Berti Foqtsun komandası hazırda 277 xalla 123-cü pillədə qərarlaşıb. "DÇ-2014"dəki rəqiblərimizə gəldikdə isə yenə ən yaxşı göstərici Portuqaliya millisinə məxsusdur.
Prineylilər 1 pillə geriləyərək 1178 xalla 4-cü sıraya enib. Rusiya yığması isə 3 pillə irəliləyərək 1084 xalla 9-cu yerə yüksəlib. İsrail isə (+4) 78-ci, Şimali İrlandiya (17) 100-cü, Lüksemburq isə (-2) 144-cü mövqedə qərarlaşıb.
Siyahıya yenə İspaniya millisi başçılıq edir. Son Avropa və dünya çempionlarının aktivində 1564 xal var. Almaniya millisi 1421 xalla ikinci, Argentina yığması isə 1349 xalla üçüncüdür.