"Qarabağ" "pley-off"da (Fotolar, Video)
Bu gün UEFA Avropa Liqasının III təsnifat mərhələsinə yekun vurulub.
Qol.Az-ın məlumatına görə, yeganə təmsilçimiz “Qarabağ” İsveçin “Gefle” klubu ilə üz-üzə gəlib.
Bakıda keçirilən ilk oyunda rəqibinə 1:0 hesabı ilə qalib gələn Ağdam təmsilçisi səfərə də qələbə dalınca getmişdi. Qurban Qurbanovun komandasını cütün favoriti saymaq olardı.
Bakı vaxtı ilə saat 22:00-da start götürən oyun "Qarabağ"ın 2:0 hesablı qələbəsi ilə başa çatıb. Bununla da, komandamız tarixi ərzində üçüncü dəfə "pley-off"da oynamaq hüququ qazanıb.
"Qarabağ"ın "pley-off"dakı rəqibi bu gün müəyyənləşəcək.
İsveçrənin Nyon şəhərində keçiriləcək tədbir Bakı vaxtı ilə saat 16:00-da başlayacaq.
Ağdam təmsilçisi püşkatma zamanı səpələnməmişlər səbətində yer alacaq ki, bu da komandamızı "pley-off"da nisbətən güclü rəqiblə qarşı-qarşıya qoyacaq. "Qarabağ"ın potensial rəqibləri sırasında "Tottenhem" (İngiltərə), "Dinamo" (Kiyev), "Rubin" (Kazan, Rusiya), "Fiorentina" (İtaliya), APOEL (Kipr), "Beşiktaş" (Türkiyə) "Feyenord" (Hollandiya) və digər klubları göstərmək olar.
8 avqust
Avropa Liqası, III təsnifat mərhələsinin cavab oyunları
22:00. “Gefle” (İsveç) – “Qarabağ” (Azərbaycan) (İlk oyun – 0:1) - 0:2
Qollar: Cumbinyo, 41 (0:1, Reynaldo, 50 (0:2)
Baş hakim: Stefan Klossner (İsveçrə)
"Gefle": 1. Mattias Huqosson (k), 3. Conas Olson, 4. Andres Vikström, 14. Jens Portin, 16. David Fallman, 7. Aleksandr Faltsetas, 8. Saymon Lundevall, 19. Markus Hanson, 9. Yohan Oremo, 10. Yakob Orlov, 15. Mikael Dahlberq.
Ehtiyat oyunçular: 22. Emil Hedvall, 2. Olof Mard, 11. Sive Pekezela, 5. Zakaria Abdullai, 25. Yoahim Adukor, 20. Emil Bellander, 6. Par Asp,
"Qarabağ": 89. Miro Varvodiç, 2. Qara Qarayev, 5. Maksim Medvedyev, 14. Rəşad Sadıqov (k), 24. Admir Teli, 25. Ansi Aqolli, 7. Namiq Yusifov, 9. Reynaldo Silva, 16. Corc Leroy, 70. Cumbinyo, 88. Uilrix Kapolonqo.
Ehtiyat oyunçular: 1. Fərhad Vəliyev, 55. Bədavi Hüseynov, 10. Muarem Muarem, 18. İlqar Qurbanov, 19. Murad Səttarlı, 6. Hacı Əhmədov, 11. Nikolos Gelaşvili.
