"Qalatasaray" "Fənərbaxça" səddini keçə bilmədi
Türkiyə Super Liqasının XI turuna start verilib.
525.az-ın "Habertürk"ə istinadən verdiyi məlumata görə, turun ilk qarşılaşması İstanbulda "Qalatasaray"la "Fənərbaxça" arasında baş tutub.
İstanbul derbisi bol qolla yadda qalıb. "Sarı-qırmızılılar" 31-ci dəqiqədə Donk, 50-ci dəqiqədə "Linnes"in vurduğu qollarla irəli keçib.
66-cı dəqiqədə qonaq komanda Valbuenanın dəqiq penaltisindən sonra hesab arasındakı fərqi minimuma endirib. Oyunun 72-ci dəqiqəsində meydan sahiblərini mərkəzə dəvət edən Jailson oyunun taleyini həll edib.
Sonrakı dəqiqələrdə hər iki qapı qarşısında xeyli təhlükəli vəziyyət yaransa da həlledici zərbəni vura bilən tapılmayıb.
"Qalatasaray" bu oyunun nəticəsində xalını 20-yə çatdıraraq turnir cədvəlində 2-ci pilləyə yüksəlib. Son vaxtlar çətin günlər keçirən "Fənərbaxça" isə 10 xalla 15-ci yerdə qərarlaşıb.
