Türkiyənin xarici işlər naziri Mövlud Çavuşoğlu avstriyalı həmkarı Aleksandr Şallenberqlə görüşüb.
525.az APA-ya istinadən xəbər verir ki, bu barədə Türkiyə XİN başçısı "Twitter"də bildirib.
Görüş İtaliyada G20 ölkələrinin XİN başçılarının iclası çərçivəsində keçirilib.
M. Çavuşoğlu Livanın Baş nazirinin müavini və Niderlandın XİN başçısı ilə də təkbətək görüşlər keçirib.
Qeyd edək ki, Avstriyanın xarici işlər naziri Aleksandr Şallenberq bir neçə gün əvvəl Azərbaycanda səfərdə olub.