“Araz” darmadağınla başladı
Bu gün “Araz” (Naxçıvan) komandası futzal üzrə UEFA Çempionlar Liqasının ilkin mərhələsində mübarizəyə start verib.
525.az xəbər verir ki, son ölkə çempionu ilk oyununda Cəbəllütariqin “Europa” kollektivi ilə üz-üzə gəlib.
Latviyanın Salaspils şəhərində keçirilən qarşılaşma təmsilçimizin 9:2 hesablı qələbəsi ilə başa çatıb.
Qeyd edək ki, ilkin mərhələnin oyunlarına 8 ölkə ev sahibliyi edir. Avqustun 20-dən 25-dək keçiriləcək matçlar Almaniya, İsveçrə, Şimali Makedoniya, Yunanıstan, Estoniya, Latviya, Albaniya və Monteneqroda təşkil ediləcək. Reqlamentə uyğun olaraq, 9 komanda – 8 qrup qalibi və ikinci pillədə yer alan iştirakçılardan ən yaxşı göstəriciyə malik bir klub əsas mərhələyə vəsiqə qazanacaq.
“Araz” növbəti oyunlarını avqustun 22-də “Kampuksen Dinamo” (Finlandiya), ayın 24-də isə “Raba”ya (Latviya) qarşı keçirəcək.
UEFA Çempionlar Liqası
İlkin mərhələ, F qrupu
21 avqust
Araz – Europa 9:2
Qollar: D.Qalleqo, 04:13-öz qapısına. E.Rodriqes, 05:07; 29:57; 39:11. A.Şocaei, 08:08. X.Bağırov, 10:52. P.Santos, 20:07; 38:58. İ.Atayev, 27:13 – J.J.Dias, 33:51; 34:22.
Hakimlər: Dario Pezzuto (İtaliya), Drazen Vukçeviç (Monteneqro), Panagiotis Ntalas (Yunanıstan).
Salaspils şəhəri. İdman Kompleksi.
