Azərbaycanlı futbolçu Vüsal İsgəndərli İrəvanda məşqə çıxıb.
525.az xəbər verir ki, məşq İrəvan Futbol Akademiyasının stadionunda keçirilib.
Xatırladaq ki, 27 yaşlı futbolçu 2 gün əvvəl yeni komandası Albaniyanın "Eqnatiya" klubu ilə birgə Ermənistana yollanıb. Albaniya təmsilçisi Konfrans Liqasında Ermənistanın "Ararat-Armenia" klubuna rəqib olub. Bu komandalar KL-in 1-ci təsnifat mərhələsi çərçivəsində üz-üzə gələcəklər. İlk oyun iyulun 13-də İrəvanda, cavab matçı iyulun 20-də Albaniyada olacaq.
V.İsgəndərli bu matçlar üçün UEFA-ya sifariş olunub. Bugünkü oyun Bakı vaxtı ilə saat 19:00-da başlanacaq.