Aİ İrana qarşı sanksiyaların müddətini uzadıb
Avropa İttifaqı (Aİ) Rusiyaya və Yaxın Şərq və Qırmızı dənizdəki silahlı qruplaşmalara hərbi dəstək verdiyi üçün İrana qarşı tətbiq etdiyi sanksiyaları bir il müddətinə uzadıb.
525.az xarici KİV-ə istinadən xəbər verir ki, Aİ Şurasından edilən yazılı açıqlamada, Rusiyaya və Yaxın Şərq və Qırmızı dənizdəki silahlı qruplara verdiyi hərbi dəstək səbəbiylə mayın 14-də başladılan sanksiyaların müddətinin 1 il uzadıldığı açıqlanıb.
Açıqlamada bildirilib ki, müddətin uzadılması qərarına ildə bir dəfə yenidən baxılacaq.
Sözügedən sanksiya rejimi çərçivəsində 12 şəxs və 9 təşkilat siyahıya alınıb.
Qeyd edək ki, Aİ-nin sanksiya rejiminə aktivlərin dondurulması, siyahıda adı çəkilən şəxslər və təşkilatlardan birbaşa və ya dolayı iqtisadi faydaların verilməsinə qadağa qoyulması və Aİ-yə səyahətin qadağan edilməsi daxildir.
Malik Atilay
