“Neftçi” “Zirə”yə qalib gəldi
Misli Premyer Liqasında 14-cü turun matçları davam edir.
525.az xəbər verir ki, ikinci oyun gününün ikinci qarşılaşmasında “Neftçi” öz meydanında “Zirə”ni qəbul edib. Görüş "ağ-qaralar"ın 2:1 hesablı qələbəsi ilə bitib.
Bu, "Neftçi"nin hazırkı mövsümdə və Samir Abasovun komandaya yenidən qayıtmasından sonra 2-ci qələbəsidir. "Zirə" isə ardıcıl 3 oyundur ki, məğlub olur.
Beləliklə, "Neftçi" turnir cədvəlində 13 xalla 8-ci, "Zirə" isə 20 xalla 4-cü yerdədir.
Qeyd edək ki, günün ilk oyununda “Səbail” öz meydanında “Qarabağ”ı qəbul edib. Görüş qonaqların 3:0 hesablı qələbəsi ilə başa çatıb.
Misli Premyer Liqası
14-cü tur
23 noyabr (şənbə)
19:00. “Neftçi” - “Zirə” - 2:1
Qol: Filip Ozobiç, 28 (1:0), İssa Cibrila, 51 (1:1), Emil Səfərov, 68 (2:1)
Hakimlər: Kamal Umudlu, Namiq Hüseynov, Vüsal Məmmədov, Əli Əliyev
“Neftçi Arena”
17:00. “Səbail” - “Qarabağ” - 0:3
Qol: Olaviyo Juninyo, 47, Aleksey Kaşuk, 66, Leandro Andrade, 88
Hakimlər: Nicat İsmayıllı, Zöhrab Abbasov, Cəmil Quliyev, Əkbər Əhmədov
“ASCO Arena”
24 noyabr (bazar)
17:00. “Turan Tovuz” - “Sabah”
19:00. “Sumqayıt” - “Şamaxı”
22 noyabr (cümə)
“Kəpəz” - “Araz-Naxçıvan” - 0:2
