"Real"ı fitə basdılar, Ançelotti bunları dedi
"Real"ın azarkeşləri ötən gecə İspaniya kubokunun 1/8 finalında "Selta" ilə matçda öz komandalarını fitə basıblar.
QOL.az xəbər verir ki, fanatlar bu addımı Madrid təmsilçisinin İspaniya Superkubokunun finalında "Barselona"ya uduzduğuna (2:5) görə atıblar.
"Real"ın baş məşqçisi Karlo Ançelotti isə "Selta" ilə görüşdən (5:2) sonra azarkeşlərin hərəkətinə münasibət bildirib. O deyib:
“Bu, azarkeşlərin mesajıdır. “Barselona” ilə matçda baş verənləri nəzərə alsaq, haqlıdırlar. Lakin biz məsələyə qələbəmizlə cavab verdik. Bu gün "Santyaqo Bernabeu"da azarkeşlər bizim özümüzü toplamağımız, diqqətimizi cəlb etməyimiz üçün səsləndilər. Ancaq onlar bizi dəstəkləməyə başlayandahər şey xüsusi olur”.
Qeyd edək ki, "Real" hazırda La Liqanın turnir cədvəlində 43 xalla 2-cidir. Komanda lider "Atletiko"dan 1 xal geri qalır.
