"Üstünlüyü hesabda əks etdirə bilmədik"

“Oyunda nisbi üstünlüyümüz var idi. Lakin təəssüf ki, bu üstünlüyü hesabda əks etdirə bilmədik. Bu cür matçlarda qalib gəlmək üçün öz oyunumuzu daha da təkmilləşdirməli, öz üzərimizdə çalışmalıyıq”.

QOL.az xəbər verir ki, bu sözləri "Sabah"ın baş məşqçisi Vasiliy Berezutski deyib.

O, futbolçusu Elvin Camalovun oynamamağı səbəbindən danışıb: "Bu gün Sofian Çaklaya tapşırdığımız mövqedəki çıxışından çox razı qaldım. Mövqe seçimini, bu zonadakı hərəkətliliyini bəyəndim. İstədiklərimizi həyata keçirdi. Elvin hələik hazır deyil".

Mütəxəssis transfer planlarından da söz açıb: "Həm qış, həm də yayda skautlarımız işləyirlər. Axtarışlarımız var. Çox istəyərdik ki, bütün mövqelərə oyunçu transfer edək. Bununla da hər mövqedə rəqabəti artıraq".